《造星IV》Ada仔感激姜濤鼓勵 自爆與拍拖多年男友分手數月

《全民造星IV》參加者27號姜詠鑫（Ada仔）參賽時憑亮眼表現，成功晉級60強。但隨即被網民爆料，稱她是姜濤中學時的暗戀對象，但卻嫌對方肥、唔夠靚仔而拒愛，又有網民指控她曾帶頭欺凌姜濤等，更有網民希望她不要消費姜濤。

繼日前姜濤出席活動時承認Ada仔是其中學同學，但非暗戀對象，又稱得知對方參加《造星IV》有鼓勵對方。Ada仔昨日（26日）也在IG打長文回應近日關於她與姜濤的傳言：「冇錯我喺中一同姜濤做過一年同學，一年短短嘅返學時間，我哋只係好似普通中學朋友般打鬧嘅玩伴，姜濤中一轉校後我哋都再冇聯絡過對方。」她表示在參加《全民造星IV》之後，有日收到姜濤的鼓勵，她非常感激對方，因回想起大家是兒時朋友，所以決定互相follow IG，間接否認網民指她因想入行才follow姜濤IG，疑似消費對方名氣一事。

此外，她亦有否認欺凌姜濤，及姜濤暗戀她亦非如新聞及網民所說，對於身邊人無辜被起底連累，她感到非常抱歉。再間接否認埋被指背男友偷食一事，自爆今年7月已與拍拖多年的男友和平分手。受傳言影響，她不停收到惡意攻擊同問候：「我發現原來冇人會關注自己嘅表現。」表示希望大家透過節目可認識她真正的性格。