周潤發出動私伙手機自拍 陳家樂開心過中六合彩

周潤發向來親民貼地，每次出沒總是成為被人「野生捕獲」的對象。陳家樂昨日（22日）便於社交網開心分享與發哥的合照，他更表示自己因電話花了，因此影到好朦朧，要動用發哥的手機自拍，並興奮寫著： 「Omg！！！！頭先偷食燒鵝嘅時候！後面突然有一班行山客叫嘢食，突然佢哋問：發哥 想食咩？聽完之後，我個腦即刻高速運轉！行山發哥，行山發哥，行山發哥，我計算到，佢係賭神發哥既機會率一定大過同花順！我諗都唔諗，轉頭一望！果然！係偶像發哥，入行咁耐！我終於可以見到發哥啦！」

家樂即膽粗粗問發哥可不可以影相，影完之後，竟發生一件尷尬事：「發哥見我嘅鏡頭花咗，影到矇查查，再用佢電話同我影，再send返比我，太貼心啦！！ 」他再hashtags：「#開心過中六合彩」、「#媽我得左啦」。入行18年的陳家樂，終於成功與偶像同框，還有機會得到發哥的電話號碼，難怪會開心過中六合彩。好友黃建東留言表示：「羨慕到流血」，而楊潮凱則笑指他的手機：「真係好矇喎」。