鄭中基爆6歲囝囝在學校有多個女朋友 自嘲同齡時全冇吸引力

鄭中基（Ronald）今日與森美及強尼一同出席活動，提到Ronald最近在個人頻道重提當年被TVB要求更改《無賴》歌詞而令雙方反目，但卻被網民質疑他其後繼續肯上TVB節目。Ronald解釋當時沒有辦法，因仍有唱片合約在身，隨後回復自由身已再沒亮相TVB，現相隔多年已怒氣全消，因此重提也不會尷尬。會否跟TVB再合作？Ronald稱短期內應無期，會否合作則交由同事處理。

而活動中Ronlad、森美和強尼皆已是爸爸級，話題自然涉及湊仔經，Ronald的大女和細仔分別是10歲和6歲，他直言很擔心小朋友的反叛期：「怕有咁耐風流.....因為我當年係最鍾意挑戰家人底線，愈不畀做嘅就偏要做。」Ronald又指某些方面一對仔女已青出於藍；兒子年紀少少，已被學校老師告之有不少女朋友，自己同齡時也未有這個吸引力，大女就擔任學校風紀，回想自己在一年級時也做過，但兩個星期後即被老師『炒魷魚』。 」他又笑言：「阿女仲肯同我傾偈，但都係應酬吓我，有心事就只會搵媽咪；阿仔就心地唔錯有同我傾，希望將來有心事都肯同我講。事關依家已經唔係用獎勵形式溝通，因阿爺阿嫲已畀慣甜頭，搞到我離晒地。做人老竇真係幾艱難，但最辛苦都係做媽咪。」

至於森美則指疫情下少了工作，因而多了家庭生活，現會跟老婆一起學打保齡、羽毛球及騎馬，醒覺錢是賺不完的，還口快快自爆其實10年前已賺夠，又取笑Ronald何以還要如此辛苦工作，不過笑指他可能根本是在享受工作中的快樂。