林宥嘉囡囡Pippi好搞笑 丁文琪開心Share喪叫爸爸片段

又推介吓先，台灣林宥嘉太太丁文琪嘅社交平台好好睇，因為好多元化，有今日仔女食乜餸，又有仔女生活日常，最重要啲相嘅構圖好靚，色彩同角度都好講究，即刻上WIKI Check吓林太資料，中晒，去日本留學，實踐大學服裝設計系畢業，又讀過日本文化服裝學院，唔怪得啦。

仔女生活日常最好睇，因為小朋友童言無忌，3歲哥哥酷比成日讚妹妹可愛但又經常呷妹妹醋，但歲半Pippi的確好可愛同搞笑。林太忍唔住Po咗妹妹狂叫爸爸嘅短片上網，題為「傳說中好笑的妹妹」，片中妹妹係咁叫爸爸，當中有高音又有低音，長度都唔同，連媽媽都忍唔住笑，記得睇到尾，歌手爸爸好溫柔咁講咗句，「聽到了呀。」最後總結，丁文琪最幸福。