雨僑擔心囡囡N班面試叫「八婆」 爆羅力威是豬隊友

雨僑和羅力威的囡囡已經1歲3個月，明年便要入讀N班，最近忙於面試。日前雨僑便在社交網分享面試的慘敗經歷，更視老公為「豬隊友」，竟然與老師玩「超級無敵大電視」，令她十分無奈。

雨僑自言對囡囡要求不高：「唔好喊，唔好躺平發爛，唔好周圍叫人八婆（佢最鍾意嘅『伯婆』陪我坐月嘅伯娘），Playgroup教咗嘅做少少出嚟，我已經好滿足。」反而，老公羅力威的表現令她十分失望，還問其他媽媽是否「嘔咗咁多血」要補身，她指收到好多「豬隊友」interview的精彩語錄笑到肚痛，當中包括老師問小朋友鍾意睇咩書，有爸爸答：「我哋唔睇書嘅. . .」。

雨僑亦分享了他們的爆笑語錄，如下：

老師: 你哋平時會帶小朋友去邊度玩呀？
爸爸: (搶答) 去黃埔嗰度呢？
老師: 💁🏻‍♀️(繼續?)
爸爸: 黃埔喎~好多人去嘅呢？嗰度叫咩呀…
老師: ???
爸爸: 呀kidztech嗰嗰間
媽媽: 😑(大佬洗唔洗咁specific去過一次咁大把)
爸爸: 同埋啟德呢？
媽媽: 🥶(仲嚟？)
爸爸: 啟德嗰度呀！有個草地嘅呢？
媽媽: 😑（幾多個字㗎？食唔食得？）
我哋會去吓室內室外嘅遊樂場、公園、超級市場…

最後雨僑還爆老公瞓醒起身繼續講：「仲有何文田嗰度呢？你個friend個會所呀！其實，真係唔洗咁詳細⋯」令她反晒白眼。