羅啟聰戥《造星》兄弟爆紅開心多過感慨 獲側田鼓勵從未放棄唱歌

黃婉曼（Icy）昨（11日）晚開fb live，邀請了3年前參加過ViuTV《全民造星》的「狗毛」羅啟聰（Kis）做嘉賓，現況單身的他最啱唱情歌陪大家過光棍節。

Kis近日參加另一個真人騷《敗者重生戰》，當中的對手都是《造星》中未能勝出的參賽者，主辦單位將安排勝出者到韓國特訓和出道，Kis努力演出爭取這個機會。

Kis昨晚自彈自唱情歌，網民大讚他夠charm。回想當年參加《造星》，雖然未能奪獎，但記得被淘汰一刻，得到評審Eric Kwok和側田稱讚，Kis至今仍銘記他們的鼓勵：「佢哋嗰晚輪流上嚟搭我膊頭，特別係側田叫我唔好唔唱歌，佢叫我唔好懷疑自己，佢嘅鼓勵令我好感動。」Kis最欣賞側田分享自己都未攞過「最佳男歌手」獎項，卻堅持對唱歌的熱誠。Kis從中學會珍惜每一個演出機會：「我當每個表演都係最後一次，做到最好。」

看到同屆一齊起跑的姜濤、Anson Lo和Anson Kwong都爆紅，Kis說：「見到每個MIRROR成員都用盡全力，我係開心多過感慨，以前一齊拍節目相處較多，而家佢哋好忙，大家見面少咗，但仍然希望以後有機會一齊Jam歌。」