Anson Lo自認樣殘皮膚差 Jer魚尾紋增加添滄桑感

MIRROR成員盧瀚霆（Anson Lo）與柳應廷（Jer），今日到九龍灣為ViuTV音樂節目《Chill Club》錄影，兩人今次是第二度以此組合上節目唱歌，今次將會合唱3首歌以及唱出串燒歌。阿Jer指今次節目主題是成長，甚有共鳴，回到當年由參加《全民造星》直至現在成為歌手，當中充滿很多回憶片段。自覺有那方面成長？Anson Lo笑言：「容易被人話攰，睇起嚟不在狀態，如果係樣睇上嚟就好攰，媽咪話捱夜會容易殘，中學就唔覺，但呢3年皮膚真係差好多。」而Jer則笑說：「呢啲成為咗我哋嘅歲月痕跡，好似多咗魚尾紋，但呢啲都成為經歷，可能令唱歌好聽啲，多啲滄桑感。」

提到另一成員呂爵安（Edan）近日自爆連續工作40個小時冇休息，早前Anson Lo正跟他及毛舜筠合作拍戲，Anson Lo謂：「我就唔使，但見住佢40個鐘都好辛苦，不過我嘅69個鐘仍係冠軍未被人打破記錄。」他又透露兩人與毛姐合作的電影已煞科，笑指他與Edan在戲中個性完全相反：「平時Edan好Hyper，但戲中佢好沉實，反而我喺戲中就好Hyper！」Jer則笑言剛在化妝間見到Edan，笑指他很精神，當做自己喜歡的事便不會覺得疲倦。

另外，Anson Lo在現正播映的節目《神的女主角》中，昨晚（10日）一集因玩天梯而被安全繩勒到重要部位，他笑言是幾個月前發生，現在已沒事。提到在節目中面對恐懼，Anson Lo表示絕對願意接受挑戰，笑言自己是「驚青底」，又預告今晚一集自己將會失控。