神的女主角丨Anson Lo向輸家送驚喜 見《造星》娘爆造型好尷尬

MIRROR成員盧瀚霆（Anson Lo）為新歌MV選女主角而舉行的ViuTV真人騷節目《神的女主角》，昨晚（5日）經過低、中、高難度的跳舞比賽後，6組中最終Out走梁曉欣跟家姐及哥哥的一組。正當三人做訪問時，Anson Lo突然現身送驚喜，還送上合照拼圖留念，梁曉欣見到Anson Lo，更激動落淚。

至於餘下5組又要接受另一考驗，就是要隊中的男成員，分別扮成Anson Lo親自選出5個以往的造型出現，其他成員限時內立即去搜羅合適服裝。當Anson Lo選造型時，甫見當日參加《全民造星》其中一個如棒球小子的Look時，他即一臉尷尬說：「我都唔知點解會咁，公司當時冇Stylist，條牛仔褲仲要我自己特登剪短同剪咗啲窿……開窿喺當時嘅一個trend。」