陳柏宇紅館再開騷要求提高壓力大 自認講唔停影響聲線

陳柏宇（Jason）日前接受TVB娛樂新聞台節目《StarTalk》主播許文軒的訪問，大談再次舉行紅館演唱會感受，他謂：「第一次上紅館較少需要參與背後嘅製作，自己只需要顧好自己唱歌、跳舞、彈結他，有少少似表演『大雜燴』，但第二次對自己，對觀眾，甚至演唱會個Concept都有要求，所以兩次都有壓力，兩次個心情都好唔同。」

Jason曾經試過失聲，開騷前難免亦有此擔憂：「對失聲有恐懼，喉嚨生過繭好易會再生，之前學過唱歌好啲，但呢期要宣傳狀況會差啲，因為講得太多嘢，又不停開會，講嘢真係最致命，但我最鍾意就係講嘢，所以我把聲有事係正路！」而Jason又覺唱歌不能「臨急抱佛腳」，不能在開騷前才去學唱歌，而是根本覺得自己唱歌不夠好需要進步才去學，他坦言自己作為歌手，唱得好才是最重要。