Bob下月開棟篤笑騷 望似教父幫人化解問題

林盛斌（Bob）將於下月再度舉行棟篤笑騷，今次騷名更以「Bobfather」命名，大家也會聯想到經典電影《教父》，Bob也直言靈感來自這部電影：「《教父》對我影響好深，細個時睇過一次，到我成年時再睇返一次，感受好大，首先套戲好勁，入面嘅男主角馬龍白蘭度飾演嘅Godfather，事業做得好好，家庭處理得好好，身邊所有嘅朋友搵佢，問題就會解決。Bob如果有日都可以好似Godfather咁，變成Bobfather的話，就威水了。」

拍攝宣傳海報及照片時，Bob同樣以一身教父打扮現身，更抱著玩具貓入鏡，宣傳字句上，亦將《教父》中的經典對白「I am gonna make him an offer he can’t refuse.（我會提出一個他無法拒絕的提議）」改寫成「I am gonna make you a laughter you can’t refuse.（我會令你不能拒絕地發出笑聲）」。

Bob希望今次分享如何苦中作樂，他舉例：「網友之前幫我改咗『龜頭Bob』呢個名，但我、太太同小朋友點睇呢個名呢？我又點樣由負面嘅想法，扭到去正面呢？而我得出一個結論：其實上網你Search鷹鼻，會出現劉德華，但Search龜頭，就會出Bob，咁都係一個成就吖！係咪都威先？！」Bob希望今次棟篤笑會令大家開心笑之餘，也希望滲入一些自己正面的態度。