劉佩玥罕談愛情觀 鍾意唔係大晒遇渣男要學懂放手

劉佩玥（Moon）與周志文低調拍拖多年，甚少公開談情說愛。日前Moon在網上開live激罕大談愛情觀，當有網民指遇上「狗公」時，Moon即叫對方「let it go」。

Moon表示每段感情關係，只需要對自己的人生負責任，她說：「當你知道佢係一個唔好男仔嘅時候，唔好同自己講我有幾鍾意佢，而係要同自己講，你有幾多個理由係需要離開佢。」在戀愛階段，無論是父母、朋友講任何說話都似乎聽不入耳，但Moon就叫大家要學懂放手，她續說：「如果知道佢係一個唔好嘅人，但都仲繼續同佢一齊，或者係繼續鍾意佢嘅話，你係對自己唔住咋。我覺得要對自己誠實啲，放手係一個學問，當知道嘅時候都唔係太遲啫，早啲let it go。」

Moon強調「渣男」和「渣女」道理亦一樣，或許雙方的道德價值觀不同，但有時「鍾意唔係大晒」，相處才是最重要，應該要在適當時候離場，笑言：「離開係一個學問，咩時候離場同股票一樣」。