全民造星IV│梁祖堯認曾睇低參賽者 預告將自打嘴巴

梁祖堯繼去年擔任ViuTV《全民造星III》客席導師大獲好評後，今年再接受監製黃慧君（花姐）邀請，擔任《全民造星IV》的導師。節目播出一星期，梁祖堯終於有時間在IG分享感想。

他今日凌晨打長文透露，剛過去的星期五（5日）是30強晉級賽，他亦因為要為一班囡囡準備比賽，因此沒有時間看節目。雖然花姐第一集已經表示：「《造星IV》一定唔好睇。」而梁祖堯亦於IG坦言：「96強當晚，我哋個個都覺得大部分參賽者嘅質素好一般。拍咗近26小時，都揾唔倒一個覺得『嘩！呢個紅硬！』嘅人選。」

起初雖不看好這些參賽者，但內心仍十分欽佩她們，因為首回合由化妝開始到最後一個參賽者出場，其實用了足足27小時。但都會思考參賽者質素能否令節目好睇，梁祖堯都有些擔心：「節目唔好睇，最後隊女團就好危。我覺得香港觀眾已經唔會再好似對MIRROR咁，畀三年時間你哋去成為星。佢哋已經對你哋有好大嘅期望，要一出道就已經準備好了。」

導師出盡力幫，都要一班囡囡肯努力，而梁祖堯都劇透自己將會自打嘴巴：「睇吓一啲我開頭覺得係災難級嘅人之後點樣擔大旗。」而他都很欣賞這班女仔的毅力，更真心覺得香港娛樂圈有一班熱血的女仔而有希望，大讚她們的堅強比男人有過之而無不及。

梁祖堯沒有時間看節目播出，但擔任首回合評判的鄭融（Stephanie）則有收看節目，並在播出時才知道導師在房內的反應。對於梁祖堯與許廷鏗（Alfred）得知要收容某些參賽者時，顯得很不情願。梁祖堯大爆Stephanie傳短訊給他：「係咪搞到你唔開心？」梁祖堯解釋在房內的反應有一部份是為了增加節目戲劇性，而做出的節目效果而已。