77歲余子明開新劇中氣十足 難捱更抵夜拒簽長約

資深演員余子明離巢TVB後轉投ViuTV拍劇，今日在上水出席新劇《940920》拜神儀式，子明哥面對新人事新環境，表示工作開心，和大家相處融洽。

77歲的子明哥依然體魄強健，中氣十足，他解釋離巢原因：「經常要等時間，起碼等一半，好攞命，又唔會跳拍，現在公司演員上下好和諧，互相尊重好客氣，亦唔使等太耐，幾時嚟就幾時拍，very good。」

放棄和舊公司合作，改與ViuTV簽部頭約，主要是體力已經不像後生時可以拼搏，難以捱更抵夜，兒子也勸他不要簽長約，子明哥感恩身體健康，不過年紀大，記性比以前相差很遠，他笑說：「我老婆成日話唔鍾意同我講嘢，覺得我講講吓又講返轉頭，有時自己都好討厭自己。」