THE BOYZ成員上淵搞笑整跌自製蛋糕　Q生日收提子笑面Cake

韓國男團THE BOYZ憑藉參加男團競爭綜藝《Kingdom》取得亞軍後，人氣急升。THE BOYZ亦在1日推出新歌《Maverick》回歸樂壇，近日忙於宣傳新歌。隊長上淵前日（4日）25歲生日，開直播與粉絲一齊慶祝，直播中壽星仔即場自製生日蛋糕，見佢準備了餅底、不同顏色的奶油，製作得非常認真，最後製作了兔仔樣子的蛋糕。不過由於上淵將蛋糕舉起想畀fans睇，搞到成個蛋糕跌咗落枱面，嚇窒自己。第一次自製蛋糕就搞成咁，令上淵當堂有點崩潰。最後上淵又將已經散晒的蛋糕擺返上碟，真係好搞笑。

昨日（5日）是THE BOYZ另一位成員Q的23歲生日。Q今日收到鋪滿19粒笑面提子生日蛋糕，Q更帶住生日眼鏡同蛋糕自拍，又出Post自稱19粒笑面提子做「我的朋友們」，一眾粉絲見到都大讚Q好可愛。