譚俊彥獲封「魷魚哥」搞笑晒韓文

　　（星島日報報道）李思捷主持遊戲節目《思家大戰》之前公開招募家庭觀眾齊齊玩，首隊素人隊「都會五星聲」終於在今集登場，五名隊員全屬靚女大學生，並由譚俊彥率《換命真相》幾位主角迎戰。李思捷笑言要封「港版李政宰」譚俊彥做「魷魚哥」，要求講韓文亦有求必應，非常玩得。

　　台慶劇《換命真相》一班演員譚俊彥、鄧佩儀、蔣家旻、林凱恩及朱敏瀚，組成「換命Family」隊負責迎戰靚女學生素人隊「都會五星聲」。因撞樣韓星李政宰而近期人氣大增的譚俊彥，被李思捷封為「魷魚哥」，又被要求講韓文，譚俊彥亦有求必應；而在《換命》劇中經常晒一身爆肌的朱敏瀚則被封為「最大隻最鍾意除衫嘅朱朱」，相當搞笑。

　　「都會」隊由五名高顏值女大學生組成，當中以有瑜伽小天后之稱的Cinica最為甜美可愛。「都會」隊可謂臥虎藏龍，有齊瑜伽小天后、古箏公主，還有來自異國及冰山的美女，相當有討論度。當李思捷指Cinica看上去像只有十幾歲，Cinica即表現害羞，邊掩嘴邊退後謂：「差唔多2字頭喇。」見Cinica怕醜又好玩，思捷即接招，乘機搞氣氛說：「Uncle就嚟50喇。」隊長YoYo更直指：「睇住李思捷大！」隨即嚇得慣性處於上風的李思捷口窒窒，足證素人隊轉數絕不惹小。

今集民調問題亦相當絕核，分別有「女人P圖最鍾意P身體邊個部位」、「講一個大學最多靚仔靚女讀嘅科目」以及「老竇同仔都係演藝界嘅人」；其中鄧佩儀對「P圖」題信心十足，大叫：「呢條冇可能錯。」可惜最終「換命」隊在該題表現強差人意。而「換命」隊三名美女成員中，以林凱恩最有潛力與女大學生鬥嬌俏，皆因她無論自我介紹或回答問題時均是表情多多，表現活潑可愛，難怪甚受網民歡迎。

　　另外，上集贏走五萬蚊獎金獎品的王敏德，專誠邀請「香講隊」成員一起到其印度餐廳大擦一餐，實行將喜悅開心share！