林正峰嫌棄游嘉欣出招冧新女神 倪嘉雯坦言零心動

TVB J2綜藝節目《不能只有我看到的便利店追女神食譜》今晚（5日）的第二集，女神嘉賓是近日在台慶劇《換命真相》中演出劉佩玥學生版而大獲好評的倪嘉雯（Carmen），林正峰則負責氹女神開心，他搞笑謂：「幾有新鮮感，終於唔係淨係再對住游嘉欣，可以試吓同其他人有其他火花。」另外兩位主持施焯日（Arthur）及曾展望（GM）則負責助廚、侍應及採購工作。

由於阿峰與Carmen之前只見過一次面，故阿峰致電約食飯時，Carmen全程表現錯愕，但因趕不及Say No，女神最後勉為其難赴會，並不斷露出「救命」眼神，氣氛尷尬又搞笑。及後二人抵達餐廳並見到GM及Arthur時，Carmen才稍作放鬆並解釋謂：「我好少同男仔單獨食飯。」

根據製作組設定，阿峰今集繼續以「爛到不堪入耳的餸菜名」冧女神，分別是為你寫「手撕」（首詩）、一柱擎天‧全程為你奉「芡」（獻）以及想同你「飯聚」（犯罪），由於實在太爛，阿峰都忍不了笑，Carmen更完全「接招不能」，Keep住「Loading」，要阿峰再三解釋才知自己「中伏」。阿峰更使出追女神絕招：餵食、抺嘴同唱歌，雖然Carmen有予以配合，但表現相當勉強，在評分環節更給予阿峰零分；其實Carmen只是開玩笑，她及後澄清覺得阿峰傻更更很可愛，只是「零心動」感覺，4年沒有拍拖的她，又指最怕男仔自以為是：「嗰啲以為自己好勁，跟住成日Show Off嗰啲，我真係…」，說畢馬上反白眼，真情流露。

其實整個節目的氣氛擔當是廚神主持黃亞保（保哥），保哥不但廚藝超卓，煮餸「好睇」又「好食」，而且相當Talk得，講起爛Gag上來絕不手軟，令GM及Arthur也招架不住。保哥是集更會傳授不用靠任何架罉的油溫測試絕技、芒果乾還原大法，以及為何要將方便麵「由脆變成唔脆再變成脆」的橋妙！