ANSONBEAN孭住跑沙灘追日落 麗英拍MV冧叫ANSONSWEET

ANSONBEAN（陳毅燊）邀請人氣YouTube頻道「小薯茄」成員麗英合唱新版《you made my day（with Lai Ying）》和拍MV。跳跳紮坐唔定的ANSONBEAN，與活潑鬼馬的麗英一拍即合，合唱版MV由早拍到晚，兩人的笑聲未停過，做盡所有少女幻想的拍拖場景，煮飯仔、撐枱腳、互餵牛扒、食雪糕、孭住她跑沙灘追日落，麗英還替他改暱稱，笑說：「佢好甜好冧嗰陣我就叫佢『ANSONSWEET』、孭住我跑完熱到爆炸就叫佢『ANSONBURN』。」

ANSONBEAN表示從未被別人改暱稱，被逗得哭笑不得。麗英說：「好開心，根本係我嘅自肥計劃，可以同靚仔合作，佢好Cute，今次係我拍過最Sweet嘅MV。」ANSONBEAN感謝麗英與他合唱又跟他拍MV，陪他玩足一日，說：「好好玩，我哋整嘢食好好笑！」麗英坦言事前有擔心自己太率直和大膽而嚇親對方，但ANSONBEAN強調：「無呀，我無事！」麗英立即爆料：「初見面時我呃佢話我17歲，今年讀大學Year 1，叫佢師兄。後來話佢知我其實大過佢3歲，佢嚇到O咗嘴，好搞笑！」

此時馮允謙（Jay）突然出現，Jay被他們影響，幽默感急升，笑問：「我有冇對白㗎？我中文唔叻喎！」Jay透露拍MV前已率先聽過他們的合唱版，讚麗英聲線特別，與ANSONBEAN好夾。麗英卻扁嘴投訴：「首歌咁冧，要望住佢錄音先可以唱出好甜嘅味道嘛，點解要分開錄？」Jay拉開話題安撫她說：「我有睇你嘅片和聽你唱歌，不如下次我哋一齊Jam歌。」麗英聞言立即興奮答應。