蔡一傑變吸住波波的箭豬 生蛇後去拔罐叫網友咪望屎忽

蔡一傑自爆因為隔籬屋幾個單位一齊裝修搞到冇覺好瞓，加上又去做運動，導致免疫力下降患上帶狀疱疹，即是俗稱的生蛇。幾經醫治雖然已康復，但佢條頸仍留有深色疤痕。

可能自知身體差，所以蔡一傑去睇中醫調理吓，仲試埋拔罐，見佢背脊吸咗15個罐，當事人形容自己係吸住波波嘅箭豬 ，仲話試完好爽皮，舒服晒，不過hashtag就提醒各位「不要看我的屎忽」唔講唔望，講咗望多幾吓。