維港會｜鍾翰林還柙後心態轉變:真係想逃避一下出面嘅事

「學生動源」前召集人鍾翰林被控串謀發布煽動性刊物、分裂國家及洗黑錢等罪，現正被還押壁屋監獄，相關案件亦於明日（2日）再訊。鍾翰林今日（1日）在fb上載他在10月3日撰寫的信件，透露自己近日心態有所轉變，以及談及不申請高院保釋的原因是「想逃避一下出面嘅事」。

信中內容提及他現時情況尚好，「慢慢開始接受到好多嘢都唔係自己能夠控制，唔到自己去左右，呢幾個月我咪冇乜寫嘢出黎嘢嘅，其實某程度上係因為見到太多事發生，但自己根本冇乜位置去評論囉，始終我唔係局內人，冇辦法明白人哋做每一個抉擇嘅心態，唔想好似咩都唔知嘅情況下去批評人哋，可能係因為我自己都試過俾人唔知頭唔知路瘋狂俾人批評啦，同埋係整個走勢入面，就算講咩去評論，好似都唔會改變到啲咩，反而只係啲阿媽係女人嘅觀點，好似寫嚟為刷存在感咁囉。」

他又提及有人問他是否想逃避出面，所以沒有申請高院保釋，他則認為這個問題非常尖銳，「撇除我冇可能保釋到，其實都真係想逃避一下出面嘅事，如果畀我保釋到，之後困喺香港呢個地方，日日睇住所有事發生，而我無能為力，再加上其他嘢，我覺得我真係仲未準備好咁快走返出嚟，從容地面對呢一切，所以喺到抖下都唔係一件壞事嘅。」