杜德偉與仔化身小飛俠同鐵鈎船長　古巨基囝囝變移動小南瓜

昨日萬聖節，一眾榮升做父母的藝人亦同仔女齊齊扮鬼扮馬歡度萬聖節。杜德偉同5歲囝囝Alex Junior（AJ）分別扮「小飛俠」同「鐵鈎船長」，AJ貼上假鬍鬚，又拎一把大刀及大個佢手仔嘅鐵鈎，身穿鐵鈎船長的招牌服飾，連鞋都Cosplay到精髓，迷你版船長好得意。

AJ的表妹就扮演「Tinkerbell」，三人一齊擺好Pose合照，AJ舉住大刀，表情兇恨，真係似足「鐵鈎船長」，網民見到都大讚AJ好可愛。

去年榮升老竇的古巨基（基仔）亦分享了囝囝古晋匡（Kuson）的萬聖節打扮。歲半Kuson著上可愛的萬聖節南瓜服飾，化身做移動的小南瓜，相當可愛。基仔都特登著上可愛的裝扮同囝囝一齊自拍，又配文「今日啲南瓜好似幾甜，今晚想飲南瓜湯，南瓜煲什麼好？　hashtag係古晋匡的第一次扮鬼扮馬　#古sir育兒手記」