坤哥以《魷魚》木頭娃娃look做gym　網民起哄「拳頭硬晒」

吳業坤（坤哥）於社交平台分享萬聖節Cosplay裝扮，相中坤哥以一身熱播韓劇《魷魚遊戲》的「123木頭人」公仔look現身Gym Room，不過條裙就有啲短，露出粗壯大腿睇到好尷尬。

另外，坤哥亦上載了「木頭人look」在Gym Room 舉重的影片，片中坤哥一邊舉住槓鈴一邊做深蹲，而佢都做足準備着咗打底褲，咁就點做都唔會走光啦。

而坤哥的一班好友見到後亦有留言，其中JW就回一個掩眼的emoji，似乎都無眼睇，鄧禮迪亦回覆「真係有d忍唔住」，又加埋兩個拳頭emoji。而一眾網民見到之後都似乎俾坤哥嚇窒，紛紛留言「拳頭硬晒」，又有網民大讚個look好襯坤哥。