湯怡嗲功冧爆老公

　　（星島日報報道）湯怡日前接受由關心妍（Jade）和孫慧雪主持的網上節目訪問，誕下女兒只是4個月的她已經火速修身兼且全面復工，被Jade及阿雪大讚外形Keep得好。湯怡認為與最近再做運動去水腫有關，而且懷孕時飲食亦有節制，她說：「好驚肥喺自己度，肥咗之後真係好難減，所以食東西都是適可而止。」

　　談到跟另一半的相處之道，自言性格男仔頭的湯怡表示，在老公麥秋成面前會表現得比較溫柔：「我係未見過自己呢一面，就係我會『嗲』佢，扭吓計咁樣，哈哈哈。」又認為男人是不用管的，老公也識做自動自覺報到，「我自己覺得，管都冇用，男人要管就冇用啦。」即被Jade笑指是放養式的做法。