莫可欣否認用BB箍實方中信：我唔係有機心嘅人

2021-10-30 06:00

莫可欣與方中信在2008年結婚，當年有傳莫可欣懷孕3個月後才通知方中信，希望用BB箍住對方，日前莫可欣接受網台《港乜姐講乜嘢》訪問，她開腔否認此事並說：「其實完全冇呢件事，乜呢啲嘢有得『局』咩？我都唔係咁嘅人啦，唔係有機心嘅人，係個天要賜個咁好嘅女畀我哋，有咗迦晴後，佢令我學咗好多嘢，多咗耐心，由唔鍾意小朋友到識得欣賞小朋友嘅童真。」

迦晴今年已13歲，莫可欣從小教她做人要謙虛、有禮貌，所以迦晴擁有一班很要好的朋友：「教練、老師、家長都同我講，迦晴係佢哋見過最有禮貌同容易相處嘅小朋友，我真係老懷安慰。不過始終佢都已經13歲，開始有佢自己嘅諗法，唔會再跟我出街，但係將來佢做咩、讀咩書，我都會支持，唯一唔支持就係入娛樂圈，選美都唔好喇，因為佢唔係普通小朋友，佢爸爸媽媽係有知名度，佢會有壓力。」