林二汶聖誕節開騷儼如開派對 不設舞台跟觀眾玩集體遊戲

林二汶今年初在紅館舉行個人演唱會，反應熱烈，未夠一年她意猶未盡，決定在12月24日至26日聖誕節期間在麥花臣場館再開騷。為配合佳節，音樂會主題亦是嘉年華，屆時全場不設舞台，並邀請一班從未參與她任何演唱會的特別嘉賓，與觀眾互動大玩集體遊戲，更設有Dress Code，一同慶祝及歡度聖誕節。日前二汶為音樂會拍攝宣傳海報，穿著白色有趣服飾拍照，被銀色紙條吹到面容扭曲，非常鬼馬。

今次音樂會概念和舞台設計，二汶表示：「我構思嘅時候諗麥花臣係一個可以同觀眾好親密嘅場地，點樣可以同觀眾互動？所有入場觀眾都係表演嘅一部份，而個舞台喺地下，即係入場睇唔到一個升高咗嘅舞台，甚至乎無後台，所謂『台前幕後』都喺晒場館嘅中間，全場係一個大Party。」此外，二汶新歌《自白的勇氣》明天（星期五）推出，囍事打孖嚟。