Tyson Yoshi拒為女友作愛的承諾：答應咗做唔到反而唔好

Tyson Yoshi（程浚彥）今日現身活動時身水身汗，原來因途中塞車，他棄用升降機連跑5層樓梯趕到場地追回時間。搞笑問到是否一向很守時，Tyson Yoshi心直口快說：「冇乜點守時，不過亦唔係遲到王，主要係好多時候要連趕幾個工作。」約女友會否遲到？他笑謂：「咁又唔會，我會直接叫佢過嚟搵我，所以有佢遲冇我遲，呢個方法唔錯。」出名愛女友號的Tyson Yoshi又連環稱讚女友體諒和遷就自己，人又大方氣量大，但自己就沒甚優點，所以很珍惜這個女友。

提到日前用玩具槍射女友，Tyson Yoshi最初認叻自言單方面射女友，不會將射槍的權力一分為二，但隨後自爆其實也有被女友射槍。說到經常被大批女粉絲包圍，女友可有呷醋？Tyson Yoshi表示沒問題，女友已習慣，亦沒發生過男女粉絲向他示愛的事，但他也不會特別向女友許下愛的承諾，因答應了但做不到反而不好。雖然大讚女友，但講到情侶衫就耍手兼擰頭，Tyson Yoshi認為此舉唔型仔，最多是配襯顏色，一模一樣就一定不可，笑指除了口罩，因家裏只有一盒共用。