試當真開騷丨游學修自爆曾借糧度日 計劃明年進軍大銀幕

游學修、許賢及蘇致豪主理的YouTube頻道《試當真》，昨晚在九展舉行《試當真一週年現場版》的頭場，吸引大批fans入場支持。游學修在棟篤笑環節時講述自己過去一年因為嬲及不忿氣而建立《試當真》，他對觀眾說：「我最着緊後排嘅觀眾，因為最前嘅觀眾就算自己講乜嘢，你哋都會話好，但後排嘅觀眾就會喺我做錯嘢時，喺網上寫衰我。」游學修又指出今年有人跟他說香港電影將「收皮」，有些想他死的人更叫他一定要快些拍戲，所以今年他甚麼也沒有做過，因他感到仍未是時候，此時，游學修即時問現場觀眾：「如果《試當真》拍戲，大家睇唔睇？」觀眾即報以歡呼聲，他更約定大家下次在戲院見。

受訪問到是否已找古天樂洽談投資開電影一事？游學修坦言:「以我認識嘅佢，如果有想法佢一定會支持，先做好自己，我都喺騷度講明年係好時機。」是想找古仔出錢投資還是找他演出？游學修謂：「有好多可能性，睇佢啱唔啱玩，佢係我老闆，睇夾唔夾到嗰件事。已經有個故事（劇本）袋住，但也要先構思好。」

游學修更自爆去年10月26日，當時的他等同破產，銀行戶口沒有錢交不到下月的租金，受訪時再提到此事，他表示當時要問公司借糧，現在經濟算不錯，只因他不是一個大使之人。至於曾一度眼濕濕，游學修解釋：「喺台上講述一年回顧，就好似成績表一樣，啲情感一定會湧晒上嚟。」