陳山聰抓緊時間與爸爸過最後時光 遵從亡父遺願娶Apple

陳山聰日前應陳敏之的邀請，為她的YouTube Channel擔任嘉賓，在昨日播出的第二部份訪問，陳山聰談到與爸爸相處的最後時光，一度不忍住流淚：「我爸爸係因為癌症過身，佢走之前嗰兩年，係我見佢見得最少嘅時候，嗰陣佢喺澳門。佢真係好錫我，雖然我唔係乜嘢大嘅傷害，但係喺嗰段時間，我知道我令佢好傷心。」

山聰續說：「喺我好細個嗰陣，爸爸已經同海哥講：『將來我走咗，你一定要照顧細佬！』我同海哥唔係同一個媽咪生。好彩喺佢臨走嗰段時間，我啱啱返入TVB，拍緊添哥套劇，我知見佢嘅時間唔多，所以每一日坐船返澳門探佢，嗰陣Apple都有陪我一齊去，我知我能夠做嘅，只有係最後嘅陪伴。」山聰又稱當時爸爸讚Apple是好女仔，一定要她做自己的媳婦：「佢話俾晒銀行戶口啲錢我，叫我哋結婚，嗰陣已經係去到佢最後嘅日子，我聽咗爸爸呢句說話，我一定要娶Apple做老婆。」

其實當時陳山聰與何超雲的感情問題，與家姐伍詠薇反目多年，直到2017年兩姊弟才重修舊好，山聰在節目上亦提到：「當嗰件事發生後，大家冇一齊玩，我試過喺廠撞到陳敏之，佢直行直過冇打招呼，人情冷暖，呢個我係明白，將心比己，如果係我，我都會咁做，每個人嘅睇法係唔同，我唔講人，剩係講自己，用時間去證明。」