Ian天生左撇子被爸爸嫌棄 自認內向兼多愁善感
2021-10-26 21:00 
陳卓賢（Ian）今日現身商台接受森美和小儀主持的節目《早霸王》訪問，節目中Ian分享了一個小秘密，原來他天生是一個「左撇子」，但因為自小被爸爸鬧「左手左腳」，便被迫學習用右手。結果Ian用左手或右手拎筷子、刀叉等餐具都揮灑自如，Ian謂：「左邊冇人咪用左手揸筷子，右邊冇人咪用右手囉，鋸扒、寫字都係左右手都得。」有沒有什麼是必定用左手？Ian表示：「刷牙係用左手。」
Ian作曲兼親自執導MV的新歌《搞不懂》，歌曲講述每個人都面對不同難題，即使知道有解決方法也無能為力，Ian 表示：「我認我係多愁善感，可以好簡單，但自己就諗太多，細細個習慣從壞方向諗嘢，做咗個最壞打算先！」
至於如何釋放負能量？Ian表示：「呢樣係我搞不懂，搵唔到點解決同舒緩，所以MV入面出現兩個Ian，一個喺玻璃屋入面，另一個喺外面望住入面嘅自己又幫唔到，覺得好愧疚，仲有另一個場景係燈塔，代表只要抽身出嚟睇每件事，會搵到一個自己嘅方向。」Ian又坦言性格內向，有時候出街遇到大眾目光關注便不習慣。
關鍵字
最新回應