馮允謙與Asha首度合作又攬又錫：佢好Sweet又無包袱

馮允謙（Jay）的吸血鬼愛情系列《一步一悔過》的MV終於曝光，在今次MV故事中，飾演吸血鬼的Jay不忍重傷的人類徐㴓喬（Asha）奄奄一息，讓她變成吸血鬼延續生命，後來兩人相愛，大樹下的鞦韆、躺在水果鮮花的野餐布置的地上卿卿我我，在世外桃源過著幸福快樂日子。不過Asha拒絕以鮮血續命，Jay眼見愛人步近死亡，他非常心痛和悔疚，最後，樹林中傳來一聲槍響「嘭」，Jay抱著滿身鮮血的Asha仰天吶喊。

今次Jay包辦新歌《一步一悔過》曲、詞、編，他透露demo歌名《Sorry》，旋律是幾年前與女友吵架後寫，他說：「當時我嘅事業靜咗落嚟，進入咗低潮期，個人好燥又固執，嗌完交唔肯say sorry。之後對自己好失望，好內疚，於是寫咗呢首《Sorry》，歌詞係講『遺憾』，我哋成長中會錯失咗補救嘅機會，返唔到轉頭，錯過咗就係錯過咗，所以要好好珍惜。」

拍攝當日，Jay自爆已連續開工48小時，為保持清醒和去水腫，提早於凌晨3時去跑步，他說：「噚日全天拍廣告，今朝4點集合出發拍MV，我提早3點去跑7公里，去水腫。到依家已經48小時無瞓覺，有少少攰，但好多同事陪我開工，團隊合作好開心！」與Asha首次合作就又攬又抱，他說：「同Asha之前喺event見過一次，第二次見就要好親密咁攬住，佢好Sweet又無包袱，可能我哋都係ABC，好順利好愉快，但如果拍錫戲就會好驚。」爽朗的Asha拍拍他膊頭，笑說：「到依家拍咗8個鐘，我哋Friend咗㗎啦！其實今次係我第一次（拍MV），雖然演吸血鬼，但一啲都唔恐怖，衫和風景都好靚，感覺好淒美。」