黎明「佛系」現身錄音室 馮允謙捉緊緣份合照留念

自從升呢做了爸爸後的黎明（Leon），近年似乎刻意減少工作，希望留更多時間陪伴囡囡，不過早前他亦有「短暫復出」；於7月在紅館舉行演唱會，不過開騷過後，近日Leon又再回復低調生活，絕少在公開場合出現。不過有緣始終就會相見，昨日（8日）馮允謙（Jay）便跟Leon有此緣份；在錄音室偶遇，而Jay亦深明見到Leon是如何難得，因此把握機會跟他影相留念，Jay亦隨後在IG貼出跟Leon合照並留言：「今日去錄音，睇吓我撞到邊個....LEON！！！！」Jay更tag了“the legend”，可以見到這位後輩是十分尊重Leon。

而Jay貼出跟Leon合照後，林奕匡即貼出幾個驚訝的emoji公仔以展示心情，估不到連入行多年的林珊珊也以英文留言表示妒忌Jay可以跟Leon合照。其實Jay除了跟Leon有緣外，他跟Leon前愛將衛蘭亦緣份非淺，皆因稍後兩人將一同合作開騷。