防彈Online Show柾國反擊Haters 受傷V仔技癢郁半身

昨日傍晚六點半(韓國時間)，防彈少年團(BTS)在首爾奧林匹克主競技場舉行 Permission To Dance Online Concert，全程2個半鐘共唱出24首合唱歌，成員V仔透露為展現團體性而放棄唱Solo歌。

周六，V仔綵排時小腿肌肉感到疼痛，去醫院接受治療後，醫療團隊建議他盡量避免劇烈運動或舞蹈，因此，公司已在開Show前出聲明，表示部分表演，V仔會坐喺度唱。開Show後可見，六位成員賣力跳唱，V仔無奈要坐埋一邊唱歌，但見佢上半身都有郁動，演唱會唱到中段，V仔都技癢行咗出舞台Join埋兄弟一齊郁吓上半身。

另外，BTS隊中的忙內柾國早前被網民指他為兄長的時裝品牌做植入廣告，疑為家族輸送利益而向公正委員會投訴，加上9月時，爆出他花約30億韓圜（約2,000萬港元）買豪宅轉贈哥哥，又被懷疑想逃稅。對於係咁傳負面新聞，柾國昨日有感而發，「我最近有好多不滿，超多不滿，我對嗰啲唔太鍾意我嘅人有嘢想講，咁又點?」隨即唱出歌曲《So What》，黃金忙內呢吓反擊獲全球ARMY一致讚好。