AK望挑戰格鬥術 Lokman唔擔心AL傷勢：咁大隻發吓炎好快好

Anson Kong （江熚生）、Lokman（楊樂文）、葉巧琳和樂隊One Promise今日在九龍灣為音樂節目《Chill Club》錄影，AK和Lokman穿上兄弟裝上陣，首次現場演繹合唱歌《虎道門》，並以兩日極速時間排練舞步，Lokman有點緊張演出，因為要熟悉流程才揮灑自如，他們對新歌成績感到滿意，最着緊是能一起合作。

MIRROR成員先後有不同合作，近日姜濤和陳卓賢打藍球上陣拍劇，AK和Lokman有初步構思埋身肉搏拍戲，AK建議可以試搏擊，二人可以相撲手對壘？他們笑說：「要練到ERROR中肥仔兩、三倍先得。」AK說：「不如格鬥啦，我之前拍劇學過空手道， Lokman又識跆拳道，大家可以切磋。」不過構思只是很初步，十畫未有一撇，並異口同聲表示希望拍劇多過玩真人騷，Lokman說：「若真係埋身打，打親AK咁靚仔點算，真係打就死火。」AK則指拍戲可以借位，大家不要自相殘殺。

Anson Lo昨晚在IG自爆乘坐的士途中遇上交通意外，返家後再報平安指無大礙，只是傷及腰部，令「神徒」十分擔心。AK和Lokman表示有收到Anson Lo在群組報平安，也有慰問對方，叫大家不用擔心。Lokman更笑指：「佢條腰本身都痛，只係四級痛定五級痛分別，佢咁大隻，發吓炎好快好返，見佢咁有型擺甫士出Story就知冇事啦。」