英皇「龍虎豹」睇日出遇大霧 粉絲P雲霞美景𠱁阿Sa開心
2021-10-26 08:00 
英皇「龍虎豹」容祖兒（Joey）、蔡卓妍（阿Sa）和鍾欣潼（阿嬌）最近一齊拍攝大陸綜藝節目《容我Sa嬌》，難得3位好姊妹一齊開工，當然是寓工作於娛樂，邊玩邊做。
昨日阿Sa在IG上載坐遊艇出海睇日出的照片，同場還有經理人霍汶希。相中所見當地非常寒冷，4人均出動大褸、冷帽、耳罩及頸巾等裝備，4朵金花攬到實影相，但因太大霧，未能清楚看到日出，向來甚有畫畫天份的阿Sa，便親手於照片畫上太陽，阿Sa留言寫道：「今（昨）日雖然有啲大霧，但係同你哋一齊，睇唔睇到日出都好開心 #睇唔到咪自己畫囉」。
網民都紛紛留言大讚阿Sa非常可愛，在Twins的非官方網頁上，粉絲還落手P圖，變了雲霞美景，並留言：「大霧唔緊要，即刻落手P返個天先🤣，星星月亮太陽成個銀河系都可以P比你」。由於太美，連阿Sa都在IG Story轉發，並給予心心眼Emoji。
關鍵字
最新回應