李蘊眼濕濕攬實囡囡被指遭家暴 發文反擊：老公對我不知幾好

李蘊（Renee）自15年嫁給內地金融才俊後淡出幕前，目前一家四口定居廣州專心照顧一對仔女，話咁快當年嘅少女組合Cream台柱已30歲；不過至今依然keep得好好，擁有fit爆body，同不老童顏。

李蘊雖然淡出幕前，但與賭王千金何超蓮同「宇宙巨肺」鄧紫棋（G.E.M.）情同姊妹，又不時喺社交分享親子點滴，與娛樂圈仍關係密切。噚日（24日）李蘊喺IG上載一張與囡囡嘟嘴合照，看似眼泛淚光，她感性留言：「窩心的女兒，有你安慰就是最好的心理治療，怎麼你每一句話都有洋蔥！傻豬豬，我愛你。」

之後上載一張抽血相，見手臂位瘀瘀黑黑，透露要入院接受身體檢查；點知被網民指佢遭家暴，對此李蘊嬲爆回應：「家暴，這是不可能的！我老公對我不知幾好，雖然平時唔講呢啲，因為家庭要低調，但唔好亂講！」