洪嘉豪MC識於微時係時候了結 合作開騷預告宣布分手

2021-10-21 12:30
洪嘉豪(中)及MC張天賦(左)受訪許文軒。
洪嘉豪(中)及MC張天賦(左)受訪許文軒。

洪嘉豪及MC張天賦作客TVB娛樂新聞台節目《StarTalk》,接受主播許文軒專訪,二人大談合作開騷感受。二人早在入行前已經認識,嘉豪說:「我哋係因為一個蘭桂坊酒吧騷而認識,第一眼見到佢,覺得佢係一個死𡃁仔,因為咁多個樂手當中佢年紀最細,好似個細佬咁,好記得佢戴反Cap帽。」嘉豪亦大爆MC經常有借無還,說:「佢成日借我啲嘢唔還,有筆、化妝品等,所以我有時會問佢有啲咩嘢唔要送畀我,好似之前有條褲佢唔要畀咗我,我都有出鏡着過,我咪當攞返佢啲便宜!」
MC則謂:「初初見到嘉豪嘅時候,第一印象唔係咁好,覺得有啲寸,後尾熟咗先發覺佢係咁樣同人相處。依家識耐咗,佢仲會不停咁試我底線,成日講一啲嘢嚟挑釁我,激到我差唔多想爆嘅時候,又氹番我,之後又繼續煩住我!真係好討厭!不過見佢彈鋼琴同好認真造音樂嘅時候,都好吸引!」

洪嘉豪(中)及MC張天賦(左)受訪許文軒。
洪嘉豪(中)及MC張天賦(左)受訪許文軒。
洪嘉豪大爆MC經常有借無還。
洪嘉豪大爆MC經常有借無還。

談到被網民打造成「賦豪CP」,二人一臉無奈,MC說:「我哋太Friend,所以平時喺公司同佢都幾親密,攬頭攬頸係好正常,點知有一次我熊抱佢兼聞佢件衫,畀公司同事影到仲放咗上網就瘋傳,就搞成咁,無啦啦撮合我哋!」嘉豪笑說:「我哋識咗7年!(有冇7年滋癢?) 有!所以係要有個了結!我哋有講過開騷時要宣布分手!」

MC對洪嘉豪第一印象不太好。
MC對洪嘉豪第一印象不太好。

關鍵字

最新回應

關鍵字

相關新聞

熱門文章