星空下的仁醫│馬國明街頭搶救小童震撼眼球 監製讚新一代演員搶戲

2021-10-18 08:00
首集即有大型交通意外事故,馬國明即場搶救小童,畫面震撼。
首集即有大型交通意外事故,馬國明即場搶救小童,畫面震撼。

TVB台慶劇《星空下的仁醫》將於今晚(18日)首播,今次演出陣容相當強勁,包括有鄭嘉穎、馬國明、鍾嘉欣、周家怡、羅子溢、龔慈恩和陳自瑤等,故事以三位技術高超的兒科醫生許甘楓(鄭嘉穎飾)、況叢昕(馬國明飾)和章以芯(鍾嘉欣飾)為主線,並加插錯綜複雜的愛情線,包括外科主管麥海琪(周家怡飾)與叢昕的「波折戀」。

首集即有大型交通意外事故,馬國明即場搶救小童,畫面震撼。
首集即有大型交通意外事故,馬國明即場搶救小童,畫面震撼。
鄭嘉穎在劇中愛心爆棚,性格有點火爆!
鄭嘉穎在劇中愛心爆棚,性格有點火爆!

劇集一開始即節奏緊湊,除了有大型交通意外場面,馬國明當街以震撼眼球手法搶救小童外,超像真手術場面亦是浪接浪。在首集上,分別飾演年輕版甘楓、年輕版叢昕及年輕版以芯的孔德賢、曾展望及呂靜文已相當搶戲,尤其孔德賢炮轟曾展望場口,更真的有嘉穎影子。對此,監製方浤酌(Ben)大讚三位演員有潛質,並謂嘉穎、馬國明及鍾嘉欣居功不少:「其實三位新演員都好勤力,佢哋有專登去睇馬明、嘉穎同嘉欣拍攝,希望自己演番對方年輕時更加神似;至於嘉欣佢哋亦同三位後輩有交流,仲同佢哋分享番自己嘅演法。」

馬國明再次飾演醫生。
馬國明再次飾演醫生。
呂靜文飾演年輕版鍾嘉欣。
呂靜文飾演年輕版鍾嘉欣。

Ben又大讚劇中一眾新一代演員:「何依婷、張寶兒、林子超、黃碧蓮雖然只係飾演實習醫生,但佢哋上堂『學醫』嘅時候同主角一樣咁認真,又畀好多時間做功課。佢哋各有特色,何依婷個角色會經歷一個醫生職業生涯入面好重大嘅轉折,佢亦處理得好有層次。張寶兒個角色就好複雜,無論背景抑或內心掙扎,佢全部處理得好好。然後正峰就演得好自然,畀人感覺真係好騰雞;而飾演進取型醫生嘅子超,除咗基本功紮實,面對前輩對手亦完全零怯場。碧蓮就有意想不到嘅驚喜,佢為咗改番好啲鬼妹仔口音,好努力不斷咁讀報紙。」Ben續指就連演戲經驗豐富的陳自瑤,亦是相當用心:「佢好勤力,佢演番龔姐(龔慈恩)年輕版,佢除咗去現場睇龔姐點演,仲去埋剪片房睇。」

孔德賢飾鄭嘉穎的年輕版。
孔德賢飾鄭嘉穎的年輕版。
曾展望飾演年輕版馬國明。
曾展望飾演年輕版馬國明。
龔慈恩在劇中醫術高明。
龔慈恩在劇中醫術高明。
何依婷有份參與演出。
何依婷有份參與演出。
關鍵字

最新回應

關鍵字

相關新聞

熱門文章