Juicy叮|南亞裔新員工去飲茶 慘被同事騙犯禁食豬肉惹眾怒

2021-10-17 18:01
網民揭發有南亞裔員工被同事騙食豬肉。資料圖片
網民揭發有南亞裔員工被同事騙食豬肉。資料圖片

廣東話有一句俗語「新嚟新豬肉」,不過有網民透露其一名南亞裔新同事,慘被人哄騙犯禁進食豬肉。

有網民在facebook專頁「奴工處」發文,指公司早前有南亞裔新同事入職,上班第一天上司帶南亞裔同事與其他同事去飲茶。期間有同事夾了一條叉燒腸粉給該南亞裔同事,還標榜好好味。結果南亞裔同事食完之後,該同事才問「啲豬肉好唔好味」,結果「激到各南亞同事生蝦咁跳」

網民揭發有南亞裔員工被同事騙食豬肉。資料圖片
網民揭發有南亞裔員工被同事騙食豬肉。資料圖片

侮辱宗教輕則引發口角,重則甚或引發恐怖襲擊。事件引發網民憤怒,斥責同事的行為不尊重宗教及少數民族習俗,「明知對方唔食得都仲要咁做,完全唔專重人地宗教傳統…個同事真心無品」、「新朋友新同事第一次一齊食飯,我一定會問左佢有冇野唔食。無論係咩原因,宗教減肥定健康原因,都要尊重」、「人哋宗教呢啲嘢真係唔可以用嚟玩,連呢啲基本尊重都無,你第日都唔好問點解人哋唔尊重你」

有人則為同事辯護,指「果位南亞同事有冇事前講過唔食得豬肉?如果冇嘅,我反而覺得係禮貌,完全無玩人既意思。」,結果被質疑「叫人食『叉燒』,然後問人『豬肉』好唔好食。係咪同事現真身啫?」

帖文轉載自「奴工處」

關鍵字

最新回應

關鍵字

相關新聞

熱門文章