輪椅羽毛球手陳浩源宣布巴黎奧運後退役

9月在東京殘奧摘下銅牌的36歲輪椅羽毛球港隊代表陳浩源宣布，會在巴黎奧運後退役。

他在社交網站表示，3年後巴黎會是他運動員生涯的最後一站，「呢兩年係唔開心嘅，作為運動員，我喜歡比賽，贏每一場波。但係冇比賽，我啲鬥志就好似花冇咗水一樣，慢慢枯萎。我唔想喺呢個情況下選擇退出。」

他直言，作為一位年長運動員，選擇留低有很多考慮，年齡、體力、精力、未來發展，金錢等等。他提到，今屆殘奧6位得獎者入面，有4位已經超過30歲。「除咗我地成日話青黃不接，年輕運動員要努力啲兌現佢地嘅潛質外，我地係咪應該考慮更多點樣去保護年紀大嘅運動員，要知道培養一個年輕運動員係難，但係要維持一個年紀大嘅運動員嘅水平係更加難。應該要有更好嘅配套同更理想嘅資源。」

他仍然希望爭取公平資源分配、同工同酬、傷健平等對待等，他指現今殘疾運動員有的資源和有全職機制，全賴有上一輩殘疾運動員例如張偉良、蘇樺偉一路發展，用他們的好成績來爭取。他反問，如果因為只多打3年就退役就不發聲，下一輩殘疾運動員又有否良好基礎及資源，「我喺唔同嘅地方都有為殘疾人士出力，如果喺自己嘅專業，職業上唔去出聲，唔去反映，係咪好諷刺呢？」。