宋慧喬一臉疑惑張基龍怕醜笑 《現在正在分手中》特別版海報面世

39歲的宋慧喬睽違3年，離婚後的首部作品《現在正在分手中》將於11月12日首播，劇中跟年齡相差10歲的張基龍玩姐弟戀，特別版海報曝光，海報中的宋慧喬一臉疑惑，而張基龍就尷尬怕醜笑。

劇中宋慧喬飾演時裝公司設計組組長河恩英，是一個冷靜的現實主義者，雖然年紀有返咁上下，但為配合工作所以都好有潮流觸覺。對感情事抱住唔會放喺心嘅態度。

而張基龍飾演Freelance攝影師尹在國，有錢有腦仲要有樣，所以有大把女埋身，而佢亦係不婚主義者、自由主義者及浪漫自由戀愛主義者，在愛情面前好瀟灑，個樣睇嚟好花花公子，但有原因㗎。

睇文字就估到宋慧喬應該會死喺張基龍手上，屬知性中女同浪漫不婚靚仔的故事。