楊思琦著跌膊古裝傻笑 網民笑言風塵味太濃

今年43歲的01年港姐冠軍楊思琦，有9歲大女Krystal及1歲細仔Kody，因為個樣生得細個，又keep到身材，所以點睇都唔似4字頭。18年出過寫真集，仲吸到唔少後生仔fans添。

楊思琦近月擔任手機遊戲代言人，穿上紅色古裝嘅佢擺動衣袖加傻笑，背景音樂是張國榮首《倩女幽魂》，並說：「很久沒有穿上古裝了！你們覺得怎麼樣？喜歡嗎？」因為老土換嚟網民恥笑，留言一面倒「負皮」：「風塵味太濃，跟妝容是絕配。」「你是故意搞笑的嗎？」「美人遲暮。」「好似傻婆。」「小倩的姥姥？」