反起跑線聯盟丨周家怡跑步仆到傷痕纍纍 誤用火酒消毒痛到反眼

周家怡今日在九龍城出席ViuTV新劇《反起跑線聯盟》的拜神儀式，雖然目前忙於拍劇，不過她依然保持做運動，日前在8號風球下大膽到戶外跑步，結果天雨路滑不慎仆倒，導致傷痕纍纍，雙膝貼上紗布，手掌現傷痕，她說：「嗰日8號風球，買唔到生理鹽水，我用75%火酒消毒，痛到我反眼，啲朋友問我係咪做軍人。」幸好只是皮外傷，沒影響工作。

今次周家怡在劇中飾演媽媽的角色，她最初擔心劇中小朋友眾多難以控制場面，合作後十分搞笑，還大爆戲中小演員有朝偉、家輝、青雲等，充滿演戲天份，而且很有個人風格；見到可愛的小朋友更觸發她母性大發，不過暫時未遇上對的人，笑稱不能單人繁殖。

另外，陳欣妍（Shirley ）同樣飾演任性年輕媽媽，今次是首次演母親角色，頗有難度，激讚一眾小朋友好戲，要笑就笑，要喊就喊，不過在現實生活中，Shirley暫時未有結婚生育打算，計劃在35歲才展開家庭生活，不想似劇中角色一樣做個不負責任的媽媽。提到男友沈震軒在內地工作，二人近一年沒有見面，Shirley估計男友要12月才返港，要維繫兩地戀不容易：「都辛苦，好彩一直有工作，會好啲。」