王丹妮演梅艷芳維肖維妙 導演率演員拜祭以示敬意

模特兒出身的新人王丹妮，在下月上映的新戲《梅艷芳》中扮演梅姐，其實她獲得此角色亦全不容易，在2016年尾王丹妮先參加全亞洲區海選參與角色選拔，當中首要條件是識廣東話，直至2017年11月電影公司老闆及導演梁樂民才選定了她出任女主角。之後王丹妮足足接受6個月的訓練，包括演戲、唱歌及跳舞，而開拍前導演更率領王丹妮及有份演出的廖子妤和劉俊謙去大嶼山拜梅姐以示敬意。

結果王丹妮的表現未有令人失望，梁樂民謂：「第一天開鏡，Louise（王丹妮）一啲怯場都冇，佢個人有光芒，我哋一路以嚟嘅擔心相信可以暫時放低，我哋都講要多謝梅姐，因為佢有份挑選！」

而自小在屯門長大的王丹妮形容自己的成長跟此戲一樣，見證了香港的發展，她分享童年照的同時回味許多兒時回憶：「細個跟媽咪、婆婆由荃灣搬到屯門住，記得每朝河畔附近有唔少小販擺檔，晚上又開咗好多熟食小檔，我同細佬最鍾意叫婆婆買燒賣畀我哋食。當年媽咪雖然經常忙於做嘢，但每逢休息及節日佢都會帶我哋四處去，好似會去尖東海旁睇聖誕燈飾，所以同劉俊謙喺戲中中拍攝返尖東海旁一幕時份外回味。」