Juicy叮｜花2000元約會女網友欲拖手被拒 港男怒斥又食又拎

男網民發文抱怨，指早前相約一名女網友外出約會，花費近2000元又食又買後，打算再進一步發展時，對方才告知性格不合，令他大怒。

發文者在「香港討論區」稱，在交友程式聊天約半個月後約了女網友出來用餐睇戲，問對方想食甚麼，對方就帶了他去一間日式餐廳食壽司刺身。發文者形容「貴到痴線，佢又好似三日無吃嘢咁，係咁食，我自己已經就住咁食，最後佢話飽，但係就仲有好多食物，埋單八百幾蚊，我就去吃佢啲手尾。」

發文者用餐後打算去戲院睇戲，女網友其後拉他去逛時裝店買衫，結果買了兩條連身裙，又花費他近1000元。最後他提議行公園，希望拖手親熱一下，「點知我一拖手，佢立即彈開，問我係唔係有病，未經佢同意就拖下手，話我性格有問題，唔可以同我發展落去」。發文者於是怒斥對方「又食又拎，到最後連拖下手都話我有病」，對方見狀歸還兩條裙並藉詞有事離去。

事件惹來網民爭議，有網民留言稱發文者初次約會就打算親熱，「八佰幾蚊你有份食，至於買衫你扮大方埋單無計，而最後畀返兩條裙你，我諗你一定覺得已經洗咗錢所以可以飛擒大咬！」。發文者解釋，「唔係我扮大方，係佢話無帶錢，唔通係鋪頭同佢吵咩，好失禮」。發文者又指「好彩我最後都拿返二條裙，如果唔係真係蝕到入肉」，並指該條裙轉交媽媽穿著。

也有人認為這些女子斂財手法時有發生，呼籲男網民不應輕易上當，「使咁多錢，手仔都唔俾掂，擺明條女呃飲呃食啦。」


帖文轉載自「香港討論區」