胡定欣父女檔fit爆打網球

2021-10-13 04:30
胡爸爸和定欣似足餅印,兩父女都好fit。
胡爸爸和定欣似足餅印,兩父女都好fit。

  (星島日報報道)剛踏入40歲的胡定欣,向來熱愛做運動,不時都會跑步、做gym,操得一副好身材,日前她更於社交網大晒爆肌「老鼠仔」的照片,令人羨慕。

  近日,胡定欣在網上發文表示又搵到一項有興趣學的球類運動,並罕有地分享父女合照,原來她拉埋爸爸一齊去打網球聯誼,非常孝順,更寫道:「好開心!我終於搵到一項球類運動有興趣啦!最重要係可以同Daddy一齊學一齊玩,一齊做運動,又可以多個話題!第一次玩,鍾意咗!父女聯誼」定欣更表示要搵教練認真學,但網友都將焦點放在鮮有露面的胡爸爸身上,大讚他身形fit爆,更指兩父女似足餅印。

  

關鍵字

最新回應

熱門文章