游學修舞台劇尾場被當奴整蠱爆肚 白只：好期待嘅畫面
2021-10-12 15:00 
白只、楊淇、游學修、朱栢謙及商台DJ當奴等主演的舞台劇《久天長地》，日前順利完成13場演出，原定於本月9號是最後一場，但當日因颱風取消，順延至翌日演出，幸獲觀眾體諒及支持，補場當日超過八成觀眾來到欣賞。游學修在演出前預告會出場外跟觀眾影相見面，結果有近百位觀眾排隊，游學修企足近一個鐘與fans合照及簽名，另一邊廂當奴亦有fans排隊等見偶像。
完騷後，與白只演同一個角色「甘博年」的游學修表示︰「攰啦，13場好順利完成咗，好開心同咁多位前輩合作。」白只則說︰「感覺好似身輕如燕，依家要即刻食雪糕。最大感覺就係台前幕後嘅合作，呢個team真係一流，我有啲唔捨得。」談到演出時有「爆肚」場面，游學修笑謂︰「其實唔多，主要係對住當奴時，佢搞我呀！我好乖，跟劇本，但佢唔乖，我都冇辦法要執生。最後一場，佢計好晒入我一嘢，原來我係冇位還拖。」白只則落井下石笑謂︰「呢個係前後台大家都好期待嘅畫面，大家見到呢個位都好興奮。」
關鍵字
最新回應