圓規襲港｜風雨前夕市民瘋狂掃貨街市凍肉舖現人龍

2021-10-12 11:11

三號風球現正生效，天文台預告下午較後時間考慮發出八號烈風或暴風信號。不少市民趁風雨前夕，到各區街市及超市掃貨儲糧，為打風做好準備。

大埔墟新街市一間凍肉舖今早8時開店前，已有逾10人排隊等掃貨，更有人用「買餸車仔」霸位排隊，至今早開門後人頭湧湧，店內逼滿買餸市民，店外更出現長長人龍；上水一間豬肉檔今早亦出現人龍，不少市民「一抽二袋」等買豬肉。

另外，銅鑼灣鵝頸街市今日亦人頭湧湧，各個肉檔、菜檔和海鮮檔都擠滿買餸市民，趁風雨來臨前做好準備。

不少網民認為香港打風通常只有一兩日，無需要過份緊張，「打風打得果一日，唔通呢啲人屋企一日嘅儲備都冇」、「打一日風姐唔知以為打仗，搞到啲菜都坐地起價。」亦有網民認為，掃貨只是為家人有飯食，「難得打風先一家人齊人食飯掛」、「有準備唔係好事咩」。