安德尊難忘發台瘟獲衞世輝包容

　　(星島日報報道)TVB製作部非戲劇分部經理衞世輝上月因心臟病猝逝，終年62歲。昨日在紅磡世界殯儀館舉殯，衞世輝胞弟衞日輝手捧哥哥遺照步出靈堂，遺孀黃鳳珍緊隨登上靈車，神情悲傷。

　　衞世輝縱橫電視圈40多年，與眾多幕後相熟，高層何麗全和安德尊一連兩日到靈堂相伴，安德尊臉帶哀傷受訪，表示：「輝哥好錫我哋，尤其我剛剛到TVB時候佢幫助我好多，冇嘢做都諗嘢你做，好感謝呢位好朋友。」二人合作無間太多點滴，安德尊憶起經常整蠱輝哥，難忘曾多次發台瘟獲得包容，並慨歎：「我哋真係好好朋友，好唔捨得佢，咁年輕，仲係盛年時候，好多嘢可以做，希望佢太太節哀，最難過係佢太太，家屬心情仍然難過。」最後安德尊表示珍惜眼前，希望大家開開心心，放鬆心情享受人生。