維港會｜伍家朗8號風球下成功求婚拍拖6年半女友感動落淚

2021-10-10 13:56

熱帶氣旋「獅子山」早前襲港，八號東南烈風或暴風信號掛足22小時，不過都無阻港隊羽毛球「一哥」伍家朗向女友求婚的大計，真係「打風都打唔甩」！

伍家朗今早在其社交媒體Instagram上載圖片，當中可見他穿上一身黑色西裝，顯得非常高大有型，與女友Charlotte甜蜜合照。他分享指，昨日在8號風球的情況下，他在香港港麗酒店成功向拍拖6年半的女友求婚，場面令他非常難忘，「今次可以話係最成功嘅surprise。竟然可以呃住你呃到儀式前一刻先開估」，更搞笑地指「更加估唔到係我讀台詞讀到1999（一嚿嚿）你都忍唔住喊咗」。

伍家朗指，是次求婚其實遇到不少問題，「8號風球之下staycation求婚真係嚇到一額汗，一早plan定嘅嘢差啲因為個颱風而被破壞晒」，不過幸好得到女友的好友「落心落力」為他策劃及籌備，以及酒店、花店、借出西裝的公司，讓他最終都可以型仔的求婚。