Juicy叮｜公司男實習樣似林峯迷倒一眾女同事 網民嘆靚仔多着數

靚仔靚女是否特別着數？有網民指，公司近日聘請了兩名男實習員工，其中一人與藝人林峯撞樣，深得一眾女同事喜愛，經常爭相與他聊天及搶著教導，連平日火爆的女上司都突然變得很好脾氣，令他慨嘆生得靚仔好多着數！

該名網民在「香港討論區」上，以「原來生得靚仔真係好多着數」為題發文，指公司以前「冇咩靚仔」，所以大家都沒甚麼感受，但近日公司聘請了兩名男實習員工，其中一人「幾靚仔，望落有少少似林峯，個樣青靚白淨」，另一人則較為平凡，外型並不算突出。

樓主表示，靚仔實習生較為怕醜，所以深得一眾女同事喜愛，「成日撩佢講嘢，唔識又搶住教佢」；而平日火爆的女上司見到他時亦「收晒火」，親自帶在身邊教他，像變了一個人似的，說話的聲音變得非常溫柔。

帖文引起網民討論，不少人都紛紛同意樣靚穿真的有特別待遇，「一向都係，同靚女有着數一樣道理」、「靚仔可以靠臉吃飯」、「你的樣子，你的日子也必如何」，更有人笑言該名男同事似「唐僧入了盤絲洞的感覺」。不過亦有人認為職場仍要靠實力做事，「樣唔靚，但份人好傾、有口才、有回應都可以有着數」、「如果係試用期發現做唔到嘢，老細都係一樣照炒」。

資料來源：「香港討論區」