陳瀅黑絲美腿報平安

　　(星島日報報道)再度返回加拿大探望外婆的陳瀅於社交網出post晒靚相，着住貼身衫突顯豐滿上圍以及纖細蠻腰，下身則短裙仔配搭網狀黑絲show美腿，站在秋意濃濃黃葉樹底，靚到一個點呀！

　　除了晒靚相，她更順道報平安說：「安全地返到屋企休息咗陣，過去幾個月差唔多日日同見到《痞子殿下》呢班友仔，而佢哋亦甜到漏，特登去機場送我機。我愛你哋，返到香港再見啦。仲有，生日快樂呀周嘉洛兄弟。」

　　送機者包括周嘉洛、JW以及朱敏瀚，佢哋連同陳瀅四人，因拍TVB劇《痞子殿下》而成為老友，其中周嘉洛同陳瀅更傳出緋聞。不過他們異口同聲否認戀情，JW亦指二人因為年齡相若傾得埋所以成為好朋友。